Hlutverk skólans

Hlutverk skólans

Hlutverk skólans felst í að bjóða vandað listdansnám fyrir börn og unglinga í takt við kröfur samtímans. Starfshættir skólans mótast af síbreytilegum heimi listdansins og er metnaður og alúð lögð í skólastarfið. Leitast er við að mæta þörfum nemenda af umburðarlyndi, jafnrétti, lýðræðislegu samstarfi og ábyrgð. Boðið er upp á listdansnám sniðið að ólíkum þörfum nemenda. Forskólanámið er fyrir nemendur á leikskólaaldri, þar fá nemendur að kynnast listforminu í gegnum dans og leik. Jazzballettnámið er tómstundamiðað og sniðið að hinum almenna nemanda. Nám á listdansbraut er fyrir þá sem vilja sérhæfa sig og ná lengra í danslistinni. Allar námsleiðir stuðla að listrænum þroska, aukinni líkamsvitund, félagsfærni, velferð og hreysti. Námið hvetur til skapandi hugsunar, eflir sjálfstæði og sjálfstraust og veitir þar af leiðandi dýrmætt veganesti út í lífið.