Month: mars 2022

Inntökupróf á framhaldskólastig listdansbrautar verður haldið þriðjudaginn 26.apríl kl.18:30.

Inntökuprófið er fyrir alla þá sem hefja nám í menntaskóla haustið 2022 og vilja taka stúdentspróf í listdansi eða hafa listdansinn part af sínu námi.

Við Menntaskólann í Hamrahlíð er kennd listdansbraut og er þá verklegi hlutinn 91 F-eining af stúdentsprófinu. Hér má lesa nánar um brautina.

Nánar má kynna sér dansnám á listdansbraut JSB HÉR.

Áhugasamir eru beðnir um að senda tölvupóst á netfangið dans@jsb.is-það sem þarf að koma fram er:

• Fullt nafn
• Val á framhaldsskóla/menntaskóla
• fyrri dansreynsla

Inntökupróf á grunnstig JSB verður haldið laugardaginn 30.apríl.

Mikil aðsókn hefur verið á grunnstigið hjá okkur og oft eru plássin af skornum skammti. En að þessu sinni ætlum við að bjóða árgöngum 2008-2012 að þreyta inntökupróf 🙂

• 2008-2010 mæta kl.15:30
• 2011-2012 mæta kl.17:00

Umsækjendur eru beðnir um að mæta í viðeigandi dansfatnaði. Aðsniðnum bol og buxum og jazzskóm. Nemendur eru prufaðir í jazztækni og jazzdansi í þessum hluta. Æskilegt er að nemendur hafi að minnsta kosti 1-2 ára dansreynslu að baki.

Áhugasamir eru beðnir að senda inn umsókn á dans@jsb.is, það sem þarf að koma fram er:

• Fullt nafn nemenda
• Aldur (kennitala)
• fyrri dansreynsla og dansskóli
• Fullt nafn forráðamanns
• Sími og netfang forráðamanns

Nemendasýning JSB er dagana 28. og 29.mars á stóra sviði Borgarleikhússins.

Sýningin í ár ber yfirskriftina FANTASÍUHEIMAR, þar leiða nemendur áhorfendur inní allskyns heima og má þar nefna sykurpúðaheim, leikfangaheim og myrkraheim.

Æfingar fyrir sýninguna hafa staðið yfir frá því í janúar og eru allir bæði nemendur og kennarar mjög spenntir.

Hér er hægt að nálgast miða.

Undankeppni Dance World Cup var haldin síðastliðinn mánudag þann 14.mars. Alls tóku 13 atriði þátt frá JSB.

Öll atriðin náðu tryggðu sér þáttökurétt í aðalkepnninni sem haldin verður í San Sebastian í sumar.

Það voru ófáar medalíurnar og bikaranir sem JSB nemendur tóku með sér úr Borgarleikhúsinu, einnig voru 2 atriði sem hlutu sérstök dómaraverðlaun! En það er fyrir framúrskarandi árangur í sínum flokki.

Við gætum bara ekki verið stoltari af flottu nemendunum okkar.!!!!

Næst á dagskrá er San Sebastian í sumar, það er ekkert sem stoppar þessa snillinga í JSB 🙂

ÁFRAM TEAM JSB

Endilega fylgið okkur Team JSB á Instagram og danslistarskolijsb

Nú fer senn að líða að árlegri nemendasýningu JSB. En hún verður haldin dagana 28. og 29.mars í Borgarleikhúsinu. Athugið að mikilvægt er að kaupa miða á rétta sýningu, miðasala hefst miðvikudaginn 16.mars kl.12:00

Nemendum er skipt niður á sýningardaga og sýnir hver hópur tvisvar sinnum á sama degi, eða kl.17 og 19. Nemendu er ekki heimilt að fara fyrr en seinni sýningu er lokið.

Æfingar á sviði eru samdægurs, mæting er mismunandi eftir hópum. Á Meðfylgjandi lista má sjá hvenær mæting er hjá hverjum og einum.

Eftirfarandi hópar sýna mánudaginn 28.mars og er mæting eftirfarandi:

Eftirfarandi hópar sýna þriðjudaginn 29.mars og mæting er eftirfarandi:

Athugið að hópur E3 sýnir kl.17 og hópur E2 sýnir kl.19:

Undankeppni Dance World Cup verður haldin í Borgarleikhúsinu þann 14.mars. Keppnin hefst kl.11 og stendur fram eftir degi.

JSB sendir 4 stór hópatriði, 6 sólóa, 2 dúetta og 1 tríó. Mikil spenna er hjá öllum keppendum.

Hér er hægt að nálgast miða í sal.

Einnig verður hægt að fylgjast með keppninni í beinu streymi á RÚV.

Fyrstu keppendur frá JSB stíga á svið kl. 11:29 og síðustu um 16:33. Svo það verður sannkölluð dansveisla í gangi allan mánudaginn.